Durante o final do verán e primeiros de outono de 2016
estanse a colocar novos cables de fibra óptica por varias zonas rurais do
concello de Ames para substituír os vellos cables de cobre usados por Movistar
(Telefónica).
Que é a fibra óptica?
A fibra óptica é un material que permite a transmisión a gran
velocidade de comunicacións telefónicas, de televisión, de Internet, etc.
Quen pode acceder a
ela?
Os usuarios de Movistar (Telefónica) e os doutros operadores que
usen as súas liñas, unha vez rematadas todas as instalacións, poden solicitar a
conexión en calquera oficina destas compañías, por exemplo, onde se recargan os
teléfonos móbiles.
En que mellora a fibra
óptica con respecto ao cable de cobre?
No teléfono, evitaranse as sobrecargas na rede. Na
televisión, recibiranse todos os canais contratados sen necesidade de antena
parabólica. E, en Internet, poderán chegar moitos máis datos a través da
conexión, xa que:
- Na actualidade, a conexión de banda ancha (ADSL) en moitas
zonas rurais é só de 1 megabit como máximo.
- Coa fibra óptica, esta conexión pode ir de 30 megabits a
300 megabits, dependendo da modalidade de contrato de cada cliente.
Ningún comentario:
Publicar un comentario