FEDERAMES
MEMORIA DE ACTIVIDADE 2017
ÍNDICE
Introdución
1.Análise
DAFO para a creación da federación
-Fortalezas internas
-Oportunidades externas
-Debilidades internas
-Ameazas externas
2.
Actividades realizadas
1.1.
Acordo sobre o reparto do recadado en concepto de regularización catastral
1.2. Colaboración
1.3. Participación
1.4. Asesoramento e cooperación en varias áreas municipais
1.5. Xuntanzas da federación e outras reunións celebradas
3. Outros servizos e actuacións
3.1.
Eventos
3.2. Escritos presentados perante diversas instancias
3.3. Contactos con outras federacións rurais
3.4. Información e asesoramento
3.5. Agradecementos
4. Orzamento de ingresos e
gastos
Anexos
1. Texto do acordo relativo ao ‘catastrazo’.
2. Alegacións presentadas ao proxecto de orzamentos participativos.
3. Relación de xuntanzas celebradas polos membros da Federación.
4. Relación de xuntanzas celebradas entre membros da Federación e
outras institucións e persoas.
5. Relación de escritos dirixidos a diversas entidades públicas.
6. Títulos dos artigos publicados no blog.
Introdución
A Federación de
Asociacións do Rural de Ames (FEDERAMES) naceu o 15 de febreiro de 2017 para
defender os intereses da veciñanza das zonas rurais de Ames, fomentar a
participación cidadá na vida pública e o asociacionismo, e coordinar
actividades de ámbito municipal. FEDERAMES xorde porque a xente debe ter voz
propia nas institucións para a defensa dos seus intereses e porque debe
escoitarse a súa opinión en asuntos de interese xeral.
A Federación de Asociacións do Rural de Ames constituíuse
coas seguintes asociacións: Pedra do Fuso (Ames), O Corpiño (Ames), Monte do
Crego (Trasmonte), San Pedro de Bugallido, Covas e Paravent (Biduído).
Posteriormente incorporáronse dúas asociacións máis: Tras do Río de Tarrío
(Bugallido) e O Quinteiro de Coira (Biduído). Tamén asisten ás xuntanzas José
Fajín Villasenín de Piñeiro, como membro colaborador, e representantes da
asociación de Riamonte, como invitados.
A Federación de Asociacións do Rural de Ames ten a súa
sede no Montiño, número 12, Covas, 15864 Ames, onde se realizan polo xeral as
súas xuntanzas.
As principais liñas de actuación de FEDERAMES en 2017
seguiron tres camiños:
-Unha actividade
divulgativa que serviu para dar a coñecer determinados asuntos ou a mesma
federación;
-Unha actividade
executiva na que se desenvolveron actuacións sos ou en colaboración con
outros; e
-Unha actividade
interna de xestión e organización da propia federación.
Como colectivo que está empezando a súa andaina, estes
primeiros meses ocupou máis tempo a actividade interna (xuntanzas, redacción de
actas, escritos e artigos do blog); non obstante, tamén se executaron proxectos
de grande interese (como o acordo co Concello para a devolución do
‘catastrazo’) e unha xornada cultural, ademais de realizar diversos contactos
con outras agrupacións e persoas buscando formar fronte común ante problemas
compartidos.
1. Análise DAFO para a creación da federación
Consiste en identificar un conxunto de elementos
característicos dunha organización (neste caso, 20) agrupados en catro
parámetros: dous internos (fortalezas e debilidades) e dous externos
(oportunidades e ameazas); dous positivos (fortalezas e oportunidades) e dous
negativos (debilidades e ameazas). O obxectivo principal é potenciar os
aspectos positivos e traballar para converter os negativos en positivos.
+ FORTALEZAS
INTERNAS
● Teremos máis forza xuntos que separados: poderemos
realizar como federación actividades inabarcables desde as asociacións.
● Contamos cun equipo directivo compacto, solvente e
experimentado.
● Unha filosofía ben definida: temos as ideas bastante
claras en materia de organización, funcionamento e liña a seguir.
● Detéctase certa intención de traballar en iniciativas
que transcendan o ámbito concreto dunha asociación.
● Existe a opción de solicitar a declaración de
utilidade pública autonómica para poder recibir doazóns, obter un réxime
fiscal especial, beneficios económicos e asistencia xurídica gratuíta.
|
+ OPORTUNIDADES
EXTERNAS
● As nosas actividades beneficiarán a un gran número de
persoas, que poderán ser as nosas aliadas no futuro.
● Máis peso ante as institucións, disuadindo a estas de
tomar decisións contrarias á cidadanía en xeral ou a determinados sectores en
particular.
● Establecer canles de colaboración en determinadas
actuacións do Concello e da Deputación dirixidas ás asociacións.
● Usar Internet e a prensa para difundir o noso labor e
para compartir coñecemento.
● Confederarnos con outras federacións para
intercambiar experiencias e fortalecernos mutuamente.
|
- DEBILIDADES
INTERNAS
● Representatividade
limitada debido á pequena dimensión da boa parte de asociacións federadas.
● Pouca
implicación previsible dunha parte dos membros.
● Choques
entre asociacións do ámbito rural e do urbano; entre asociacións veciñais e o
resto; e entre as do norte e as do sur.
● Pretensión
de converter a federación nunha asociación grande.
● Carecemos
de medios económicos.
|
- AMEAZAS
EXTERNAS
● Pouca
implicación da xente en xeral cara ao asociacionismo.
● Risco de
que a federación sexa considerada un novo partido político.
● Escasa
atención ás asociacións por parte do Concello.
● Entrada de
asociacións maliciosas ou controladoras.
● Influencia
negativa dos políticos nas actividades da federación a través de membros
vinculados politicamente ou por outras canles.
|
2.
Actividades realizadas
2.1. Acordo sobre o reparto do recadado en concepto de
regularización catastral
O día 24 de febreiro de 2017, o Concello de
Ames e a Federación asinaron un acordo (véxase o texto do acordo no anexo 1) para a repartición no rural do importe
recadado en concepto de regularización catastral. Este importe investirase a
maiores do ordinario previsto para este fin destinado ás aldeas.
O montante inicialmente calculado era de
988.000 €, aínda que ao final se espera recadar un 18% menos, 810.000 €
efectivos. Esta cifra vaise repartir, en principio, en tres anualidades entre
2017, 2018 e 2019 a non ser que se poida facer antes. A cantidade destinada a
cada exercicio dividirase en dúas partidas, unha de 150.000 € para
investimentos en infraestruturas de saneamento e similares e outra de 132.000 €
para unha nova liña orzamentaria denominada “orzamento participativo”, de cuxas
bases xa se facilitou un borrador.
Representantes das asociacións
veciñais e representantes do Concello serán os encargados de decidir sobre o
investimento das partidas anteriores. Así mesmo, o Goberno municipal
comprométese a facilitar unha relación de investimentos previstos para o rural
en 2017, a partir da cal se han computar as novas actuacións previstas.
2.2. Colaboración
Aínda que a Federación non
colabora directamente en ningunha comisión municipal, si mantivo contactos
previos co Concello ao respecto e as asociacións federadas teñen representantes
no grupo de traballo para investimentos básicos e algúns membros da Federación
forman parte tamén da comisión de orzamentos participativos, presidida por Mari
Carmen Lemos, de Covas.
2.3. Participación
No orzamento municipal para 2017,
aprobado no Pleno do 18 de abril, recóllese unha partida de investimentos, por
un importe de 132.000 €, denominada “orzamentos participativos” (véxase as
bases reguladoras nesta ligazón:
http://www.concellodeames.gal/media/documentos/bases_reguladoras_orzamentos_participativos_definitivo.pdf),
cuxa finalidade é que a cidadanía decida, primeiro directamente e logo a través
dos seus representantes veciñais, a que actuacións de competencia municipal se
vai destinar. Este investimento irá destinado ás zonas rurais do concello, polo
que varios membros da Federación presentaron diversas alegacións que se
recollen no anexo 2.
2.4. Asesoramento e cooperación en varias áreas municipais
Achegáronse propostas para as seguintes
iniciativas:
-Problema do lixo;
-Transporte
intramunicipal;
-Limpeza dos regatos;
-Apoio a proxectos
relativos a investimentos infraestruturais -sendeirismo-.
2.5. Xuntanzas da federación e outras reunións celebradas
As asociacións agrupadas na Federación e outras
que decidiron non federarse mantiveron máis de vinte xuntanzas internas
e cos representantes municipais para tratar dos moitos problemas e inquedanzas
que tocan ás zonas rurais e a forma de solucionalos a través de investimentos
incluídos no novo orzamento municipal. Véxase nos anexos 3 e 4 a relación de
xuntanzas celebradas en 2017.
Contactouse con representantes
das asociacións de Tarrío e de Coira para informalos das vantaxes de federarse,
cousa que finalmente se logrou o 5 de abril. Así mesmo, mantivéronse diversos contactos con outras asociacións rurais de Ames (Riamonte, Piñeiro,
Ameixenda, Lapido, etc.) na procura de colaboración
mutua ou buscando a súa integración na Federación.
3. Outros servizos e actuacións
3.1.
Eventos
O 25 de novembro celebrouse, na Casa da
Cultura do Milladoiro, a mesa redonda titulada “Control e loita contra a avespa
asiática”, moderada por Benxamín Dosil, na que participaron estes relatores:
-Xulio Maside,
profesor de bioloxía da Universidade de Santiago de Compostela;
-Laura García, asesora
xurídica da Asociación Galega de Apicultura;
-Diego Sánchez,
apicultor e membro do Sindicato Labrego Galego;
-Jesús Orejas, xefe do
Servizo de Sanidade Animal da Xunta de Galicia;
-Elisa Gago Moldes,
xefa do Servizo de Conservación da Biodiversidade da Xunta de Galicia.
3.2. Escritos presentados perante diversas instancias
Elaborouse gran cantidade de
escritos dirixidos ao Concello de Ames sobre diversos asuntos e á Xunta de
Galicia para rexistrar a Federación no Rexistro de Asociacións (véxase o anexo 5). Dos remitidos á entidade
municipal, uns tratan dos problemas derivados do ‘catastrato’, os investimentos
no rural para 2017 e a recollida do lixo; e outros conteñen diversas
solicitudes de datos, información ou similares que buscan impulsar a acción
política en varias direccións (orzamento municipal e investimentos, recollida
do lixo, colexio de Barouta, etc.).
3.3. Contactos con outras federacións rurais
No mes de outubro, celebrouse unha
reunión informal con tres representantes da federación de asociación do rural
de Santiago de Compostela, froito das cales se elaborou un borrador de comunicado
de prensa no que se expresaba a nosa preocupación polos incendios. Quedouse en
manter outra xuntanza máis formal entre ambas as directivas.
3.4. Información e asesoramento
Usamos o noso blog (https://federames.blogspot.com.es/) para orientar a asociacións e particulares acerca de temas de
interese, liñas de subvención, ofrecer noticias de actualidade, xuntanzas
realizadas, etc. Ademais, calquera persoa pode achegar ideas a través dunha
conta de correo electrónico (federames@gmail.com) ou colaborar con artigos de opinión sobre asuntos de interese
para as asociacións do rural. Arestora xa contamos con 25 artigos publicados, que versan sobre a participación
cidadá, o ‘catastrazo’ o transporte público, a fibra óptica, etc. (véxase o anexo 6).
3.5. Agradecementos
Queremos agradecerlle á avogada Montserrat
Calvo Ríos o seu asesoramento xurídico en diversos aspectos relacionados cos
expedientes de cobro da taxa do lixo referidos aos anos 2009, 2010 e 2011.
Así mesmo, agradecemos a
colaboración de Elisa Dosil Colomer, secretaria de Administración local, pola
súa axuda e orientación en asuntos relacionados coa tramitación de varios
procedementos municipais e a presentación de varios escritos.
Igualmente, FEDERAMES agradece a
participación desinteresada de Xulio Maside, Diego Sánchez,
Jesús Orejas e Elisa Gago na mesa redonda sobre as
velutinas.
4. Orzamento de ingresos e
gastos
A federación iniciou a súa actividade con 0 €. A extinta Plataforma do Lixo, da
que foron membros varios socios de FEDERAMES, acordou doar a esta todo o seu
remanente patrimonial, que ascendía a 325
€. A actividade realizada durante 2017 pola federación implicou os
seguintes gastos:
-Inscrición no
Rexistro de Asociacións: 53,61 €.
-Deseño e
impresión dos carteis para a mesa redonda: 71,39 €.
-Participación
da representante de AGA na mesa redonda: 71 €.
-Consumo de
auga relatores mesa redonda: 6 €.
-Solicitude de
certificación do Rexistro de Asociacións para NIF: 3,58 €.
Total
orzamentos de gastos 2017: 205,58 €.
Anexos
ANEXO 1. Acordo
ANEXO 2. Alegacións
ás bases reguladoras dos orzamentos participativos
a) COMENTARIOS DE BENXAMÍN DOSIL AO
DOCUMENTO “ORZAMENTO PARTICIPATIVO” DO CONCELLO DE AMES
Concepto de
participación
O aspecto clave da
participación é a substitución da democracia representativa pola democracia
directa, onde o pobo poida debater e decidir sobre o orzamento e as políticas
públicas considerados na súa totalidade ou en parte. Considérese este un
obxectivo finalista máis que unha necesidade para completar a curto prazo.
Beneficios da
participación
Dos múltiples
beneficios que ofrece este sistema destaco o de crear unha cultura democrática
na poboación e afortalar o tecido social, implicando máis a cidadanía na toma
de decisións políticas. Pero este factor positivo esixe que se dean
determinadas condicións no contexto social e político no que se vai implantar.
Se ben en Ames hai unha clara vontade política de iniciar este proceso, se a
xente non participa non vale de nada abrir liñas de participación. Aquí opino
que as regras do xogo non se deben decidir unilateralmente, senón que deben
tomarse conxuntamente coa poboación desde o principio, non só mediante
información, tamén por todos os medios posibles.
Posta en marcha
do proceso participativo
Antes de calquera
decisión de destinar fondos a un proceso participativo, debe realizarse unha
análise da situación, que cada municipio pode levar a cabo mediante os
mecanismos que considere máis adecuados, como por exemplo realizando matrices
de diagnóstico. Tamén é preciso identificar os actores interesados e os opostos
ao proxecto escoitando as súas razóns en cada caso. Descoñezo se no Concello de
Ames se fixo algo ao respecto destes dous aspectos.
Así mesmo, é
prioritario buscar alianzas ampliando o diálogo con actores relevantes da
sociedade civil que poidan implicarse no proceso explicándolles os beneficios
para eles. Un regulamento de participación cidadá ou un específico referido ao
orzamento participativo sería a referencia da que partir. Se ben a
participación ten vontade universal, o regulamento debería contemplar cal é o
papel de cidadáns organizados, cidadáns ou colectivos máis marxinados, etc.
Etapas claves no
proceso participativo
Polo tanto, neste
proceso resultan claves: a etapa de negociación, discusión e elaboración do
orzamento de participación, xunto coa redacción do seu regulamento interno; a
etapa de creación dunha liña orzamentaria destinada á participación, que
debería ter unha certa vontade de permanencia no tempo para non ser un simple
reparto de esmolas; e a etapa de priorización das demandas, dado que os
recursos son limitados. Con respecto a esta última, precísase ter claros os
criterios que rexerán a escolla de proxectos que, polo xeral, poderán ter pesos
diferentes e estarán relacionados co número de persoas afectadas; con que sexan
prioridades sinaladas polos habitantes, sobre todo se aquelas son de tipo
básico; co grao de participación no proceso; coa implicación da veciñanza no
desenvolvemento da iniciativa; etc.
A fase de rendición
de contas, ademais do papel da Comisión de Orzamentos Participativos, pódese
levar a cabo mediante unha variada gamma de formas: folletos, anuncios,
intervencións públicas, espazos web, auditorías, etc.
Por fin, o Goberno
local intervén na decisión de destinar determinada parte do orzamento á
participación, en facilitar o proceso e en executar as decisións,
“apoderándose” das decisións tomadas nos espazos participativos. As tomas de
decisión deben pivotar entre o Pleno municipal e a Comisión de Orzamentos
Participativos. Ao mesmo tempo, estes deben velar por que o novo proceso non
interfira noutros existentes con similares finalidades, coma tal en materia de
investimentos.
Participación
cidadá no proceso participativo
Como xa dixen, nun
proceso participativo consolidado non sería preciso contar con representantes
comunitarios, senón unicamente coas persoas individuais. Non obstante, nesta
fase inicial de paso dunha democracia participativa a unha democracia directa
creo que resulta crucial o papel dos representantes de colectivos sociais
implicados, teñan ou non máis privilexios que os cidadáns. Contactar con estes
representantes pode ser unha maneira rápida, por exemplo, de coñecer as
necesidades reais de amplos sectores da poboación. Logo, nas asembleas xerais
tocaríanse estes asuntos e outros que puidesen xurdir. Do mesmo xeito, como na
Comisión de Orzamentos Participativos só pode haber un número limitado de
persoas, é conveniente escoller ben estas para que recollan o mellor posible as
necesidades, as transmitan e canalicen ata a súa execución definitiva. Esta
comisión adoita durar un ano e estar composta por un amplo número de membros,
sexan estes representantes, actores sociais, institucionais ou todos eles.
Tamén cómpre prever as consecuencias de que determinados colectivos non desexen
participar en ningún proceso participativo ou en algún concreto.
Principais
dificultades nos procesos de participación
Unha vez
implantado o proceso de forma adecuada, o primeiro obstáculo está vencido. Logo
entra en xogo a escasa capacidade de comunicación que adoitan ter os concellos
cara á cidadanía: se non se difunde ben proceso, non hai nada que facer; razón
de máis para implicar desde os inicios aos axentes sociais como intermediarios;
nesta fase resulta clave unha correcta utilización de Internet. A seguir vén a
outra cara da moeda: a escasa cultura participativa da xente, que deberá
vencerse realizando non só campañas informativas, senón tamén campañas de
fomento que incidan nas bondades e beneficios do proceso. Doutra banda, os
vellos hábitos de traballo administrativos son inadecuados para facer que
avance a participación: ten que haber unha cultura de transparencia, de
interrelación de departamentos, de programas de traballo por obxectivos ou
similares nos que a participación forme parte.
b) PROPOSTA DE MODIFICACIÓNS ÁS BASES
REGULADORAS DO ORZAMENTO PARTICIPATIVO CONCELLO DE AMES ELABORADA POR MARI CARMEN
LEMOS
Observacións
Parece máis oportuno
aprobar unhas bases reguladoras do orzamento participativo do Concello de Ames
sen vencellar directamente ao ano 2017, deste xeito non teremos todos os anos
que redactar unhas bases novas, publicitalas, revisalas, para máis tarde
presentar alegacións e finalmente aprobalas.
Se conseguíramos
aprobar unhas bases realmente participadas, o único que deberíamos negociar
cada ano sería o importe destinado a este fin.
Nas bases non queda
moi definido o desenvolvemento do proceso de votación no seo da Comisión. Á
hora de seleccionar as diferentes propostas, sobre todo se xurden discrepancias
ao respecto, deberíamos buscar unha fórmula de ponderación o máis obxectiva
posible.
Puntualizacións
do texto que se nos presenta:
Punto 1.- Qué son os Orzamentos Participativos?
O Orzamento
Participativo (OP) é unha ferramenta activa de participación e xestión na que a
cidadanía, os colectivos e as asociacións presentan propostas respecto do destino
dunha parte dos recursos municipais. Estas propostas serán estudadas e
avaliadas por unha Comisión participada que seleccionará as propostas que se
executarán durante o exercicio orzamentario.
O obxectivo desta
primeria iniciativa de OP no Concello de Ames é conformar un espazo de colaboración
e xestión conxunta coa cidadanía que se desenvolverá en 5 fases.
Nada que obxectar
ás dúas primeiras fases pero obvian a constitución da comisión, polo que a 3ª
fase podería redactarse do xeito seguinte:
3ª Fase:
Constituirase unha comisión para o desenvolvemento dos orzamentos
participativos. Comisión que, unha vez dipoña da relación de todas e cada unha
das propostas presentadas, debatirá e dicidirá aquelas técnicamente viables é
máis necesarias.
4ª Fase: Os
representantes políticos electos comprometeranse a acometer as actuacións que
sexan seleccionadas.
Neste proceso de
reflexión colectiva garantirase en todo momento a transparencia e a
participación cidadá e buscarase a implicación da cidadanía para definir novos
espazos de construción colectiva e de interrelación entre as institucións e o
pobo.
Este documento
definirá as regras deste proceso de OP no Concello de Ames.
Non parece que a
primeira parte do punto 3 sexa imprescindible para a redacción destas
bases, son cuestións técnicas que pouco teñen que ver co desenvolvemento deste
proceso, polo que podería comezar en:
Na elaboración
dos orzamentos, o Concello de Ames coa fin de levar a cabo un MODELO DE
ORZAMENTO PARTICIPATIVO DIRECTO, reservará unha parte do Capítulo VI (Gastos de
Investimentos) para financiar proxectos ou infraestruturas no RURAL que
decidirán as/os amesáns, centrándonse nas demandas do rural representadas polas
diferentes parroquias do Concello de Ames, de acordo con estas bases
reguladoras.
Punto 4.- Comisión
de Orzamentos:
Para o
desenvolvemento de todo o proceso designarase unha Comisión de Orzamentos
Participativos (COP) que estará composta por:
- Membros do goberno
- Persoal técnico
municipal
- Representantes das
diferentes Asociacións Veciñais do Rural
As funcións dos membros
do goberno e dos representantes das asociacións veciñais na COP serán:
1. Coordinar o
proceso de participación, dinamizar e promover a participación das asociacións
veciñais e da cidadanía en xeral.
2. Realizar as
asembleas informativas nas Parroquias
3. Establecer os
mecanismos e ferramentas de participación cidadá: canalizar as suxestións.
4. Estudo,
selección e valoración das propostas de acodo cos criterios de
ponderación establecidos nestas bases. Elaboración da relación definitiva das propostas.
5. Seguimento e
avaliación do proceso en xeral: execución orzamentaria, cuestións relativas
co gasto, tempo de execución, calidade das obras e cumprimento dos criterios
establecidos no proceso.
A función do persoal
técnico municipal dentro da COP será a valoración técnica, legal e económica
das propostas, así como o levantamento das actas de cada sesión reflectindo
os acordos acadados.
5.- Ámbito de
actuación:
….
Para isto, estas
bases recollen a proposta do goberno de participación directa da veciñanza de
Ames asignando unha cantidade previamente acordada coas asociacións veciñais do
RURAL como Orzamento participativo destinado a gastos do Capítulo VI
(Investimentos Reais) cun reparto equitativo para todas as parroquias do rural.
c) PROPOSTAS XERAIS E RECOMENDACIÓNS PARA
A XUNTANZA SOBRE PARTICIPACIÓN
PROPOSTAS
-Distinguir estes
textos: son precisos un
regulamento de orzamentos participativos e unhas bases específicas que se
publiquen cada ano, ambos feitos a partir dun regulamento de participación
veciñal.
-Incluír a
cidadanía no proceso de participación: a cidadanía pode colaborar na
redacción do texto, na información e dinamización da participación e na
comisión, ademais de participar directamente nas asembleas, achegar ideas e
formar parte da comisión.
-Reducir o papel
do Concello: agora fixa o importe, establece o reparto inicial, os
ámbitos prioritarios, a composición da comisión (e forma parte dela), modera
as asembleas veciñais, selecciona as ideas e realiza as actuacións.
Debería deixar parte dos seus cometidos en mans do voluntariado cidadán.
-Cambiar a
composición da comisión: debería entrar a cidadanía e saír os
representantes do Concello e tamén os das asociacións. As súas funcións básicas
deberían centrarse en escoller, priorizar e avaliar as propostas. Todos os
demais labores, sobre todo organizativos e de coordinación, deberían pasar ás
mans da cidadanía.
-Cambiar o papel
das asociacións veciñais: agora
mesmo prevese que formen parte da comisión e que convoquen a veciñanza para as
asembleas parroquiais. O seu cometido debería centrarse en colaborar na
redacción das bases reguladoras e en indicar as necesidades das parroquias
durante a primeira xuntanza co Concello/comisión. Non deberían formar parte da
comisión porque logo terían que valorar as ideas presentadas, algunhas
procedentes das mesmas asociacións que están a decidir, o cal podería viciar o
proceso. Nesa mesma xuntanza inicial, a federación achegaría ideas de carácter
máis xeral que abranguesen o conxunto das parroquias.
RECOMENDACIÓNS
-Traballar máis o papel
da cidadanía en todo este proceso participativo para lograr a súa
satisfacción, reducindo o papel do Concello e o das asociacións veciñais.
-Non decidir
proxectos ata coñecer as previsións de investimento para as zonas rurais
procedentes de Blas.
-Non marcar criterios
prioritarios de selección ata escoitar, recibir e estudar as propostas
(como a mellora da calidade de vida, o número de destinatarios...).
-Escoller e potenciar
catro ou cinco grandes áreas de investimento de alcance xeral, pero
concretas nas súas especificacións (por exemplo, o transporte, as rutas de
sendeirismo, a calidade das augas, etc.).
-Papel da comisión: deixar que a comisión decida
sobre as dúas últimas cuestións (marcar criterios prioritarios de selección e
potenciar varias áreas de investimento), sobre o reparto de fondos en funcións
das necesidades e dos proxectos máis que de forma equitativa por parroquias e
sobre o seu seguimento e control posterior.
ANEXO 3. Relación
de xuntanzas celebradas polos membros da Federación
Acto: xuntanza da Federación.
Asuntos principais: repaso da actividade desenvolvida en 2017.
Data: xoves 21 de decembro de 2017, ás 21.00 h.
Lugar: local social de Covas
Acto:
xuntanza da Federación.
Asuntos principais: preparativos da mesa redonda sobre a avespa asiática e encontro con FERUSA.
Data: martes 31 de outubro de 2017, ás 21.00 h.
Lugar: local social de Covas.
Asuntos principais: preparativos da mesa redonda sobre a avespa asiática e encontro con FERUSA.
Data: martes 31 de outubro de 2017, ás 21.00 h.
Lugar: local social de Covas.
Acto:
xuntanza da Federación.
Asuntos principais: análise do estado dos dous principais compromisos adquiridos no acordo asinado co Concello: investimentos básicos e orzamentos participativos.
Data: xoves 21 de setembro de 2017, ás 21.00 h.
Lugar: local social de Covas.
Acto: xuntanza da Federación.
Asuntos principais: estado de situación de varias actuacións municipais.
Data: xoves 28 de xuño de 2017, ás 21.00 h.
Lugar: local social de Covas.
Asuntos principais: análise do estado dos dous principais compromisos adquiridos no acordo asinado co Concello: investimentos básicos e orzamentos participativos.
Data: xoves 21 de setembro de 2017, ás 21.00 h.
Lugar: local social de Covas.
Acto: xuntanza da Federación.
Asuntos principais: estado de situación de varias actuacións municipais.
Data: xoves 28 de xuño de 2017, ás 21.00 h.
Lugar: local social de Covas.
Acto: xuntanza da
Federación.
Asuntos principais: problema do lixo, reunións co Concello e outros asuntos.
Data: mércores 3 de maio de 2017, ás 21.00 h.
Lugar: local social de Covas.
Asuntos principais: problema do lixo, reunións co Concello e outros asuntos.
Data: mércores 3 de maio de 2017, ás 21.00 h.
Lugar: local social de Covas.
Acto: xuntanza da
Federación.
Asuntos principais: novas solicitudes de ingreso (asociacións de Coira e Tarrío) e necesidades de investimento no rural para 2017.
Data: mércores 5 de abril de 2017, ás 20.30 h.
Lugar: local social de Trasmonte.
Acto: xuntanza da federación. Están tamén convidadas as asociacións non federadas do concello.
Asuntos principais: ideas e necesidades das asociacións e das parroquias para presentarllas ao Concello.
Data: martes 21 de marzo de 2017, ás 20.30 h.
Lugar: local social de Augapesada.
Asuntos principais: novas solicitudes de ingreso (asociacións de Coira e Tarrío) e necesidades de investimento no rural para 2017.
Data: mércores 5 de abril de 2017, ás 20.30 h.
Lugar: local social de Trasmonte.
Acto: xuntanza da federación. Están tamén convidadas as asociacións non federadas do concello.
Asuntos principais: ideas e necesidades das asociacións e das parroquias para presentarllas ao Concello.
Data: martes 21 de marzo de 2017, ás 20.30 h.
Lugar: local social de Augapesada.
Acto: xuntanza da
Federación.
Asuntos principais: postura da Federación sobre o ‘catastrazo’.
Data: mércores 1 de febreiro de 2017, ás 20.30 h.
Lugar: local social de Bugallido.
Asuntos principais: postura da Federación sobre o ‘catastrazo’.
Data: mércores 1 de febreiro de 2017, ás 20.30 h.
Lugar: local social de Bugallido.
Acto: xuntanza da
Federación.
Asuntos principais: achega de necesidades das parroquias e negociación co Concello para o reparto do ‘catastrazo’.
Data: mércores 15 de febreiro de 2017, ás 20.30 h.
Lugar: local social de Covas.
Asuntos principais: achega de necesidades das parroquias e negociación co Concello para o reparto do ‘catastrazo’.
Data: mércores 15 de febreiro de 2017, ás 20.30 h.
Lugar: local social de Covas.
Acto: xuntanza da
Federación.
Asuntos principais: decidir se se asina co Concello a proposta de acordo sobre o ‘catastrazo’.
Data: xoves 23 de febreiro de 2017, ás 20.30 h.
Lugar: local social de Covas.
Asuntos principais: decidir se se asina co Concello a proposta de acordo sobre o ‘catastrazo’.
Data: xoves 23 de febreiro de 2017, ás 20.30 h.
Lugar: local social de Covas.
ANEXO 4. Relación
de xuntanzas celebradas entre membros da Federación e outras institucións e
persoas
· Asunto: ‘catastrazo’
FEDERAMES-CONCELLO
Acto: reunión con
representantes do Concello.
Asuntos principais: clarexar e concretar a posición de ambas as partes con respecto á proposta municipal de reparto do ‘catastrazo’.
Data: luns 20 de febreiro de 2017, ás 20.30 h.
Lugar: salón plenario do Concello.
Asuntos principais: clarexar e concretar a posición de ambas as partes con respecto á proposta municipal de reparto do ‘catastrazo’.
Data: luns 20 de febreiro de 2017, ás 20.30 h.
Lugar: salón plenario do Concello.
FEDERAMES-CONCELLO
Acto: reunión co
alcalde.
Asuntos principais: asinamento do acordo sobre o ‘catastrazo’.
Data: venres 24 de febreiro de 2017, ás 20.30 h.
Lugar: salón plenario do Concello.
Asuntos principais: asinamento do acordo sobre o ‘catastrazo’.
Data: venres 24 de febreiro de 2017, ás 20.30 h.
Lugar: salón plenario do Concello.
FEDERAMES-CONCELLO
Acto: reunión con
representantes do Concello.
Asuntos principais: posta en marcha do pactado no acordo mutuo asinado en febreiro.
Data: martes 28 de marzo de 2017, ás 20.30 h.
Lugar: salón plenario do Concello.
Asuntos principais: posta en marcha do pactado no acordo mutuo asinado en febreiro.
Data: martes 28 de marzo de 2017, ás 20.30 h.
Lugar: salón plenario do Concello.
FEDERAMES-Elisa Dosil
Acto: reunión con
esta secretaria municipal.
Asuntos principais: coñecer as mellores estratexias de defensa dos intereses dos afectados.
Data: concretar data, ás 17.00 h.
Lugar: casa da secretaria.
Asuntos principais: coñecer as mellores estratexias de defensa dos intereses dos afectados.
Data: concretar data, ás 17.00 h.
Lugar: casa da secretaria.
FEDERAMES-CONCELLO
Acto: reunión con representantes
do Concello.
Asuntos principais: seguimento do acordo no relativo a investimentos básicos.
Data: semana do 25 de decembro de 2017.
Lugar: salón plenario do Concello.
Asuntos principais: seguimento do acordo no relativo a investimentos básicos.
Data: semana do 25 de decembro de 2017.
Lugar: salón plenario do Concello.
· Asunto: orzamentos
participativos
FEDERAMES
E ASOCIACIÓNS VECIÑAIS NON FEDERADAS
Acto: reunión con representantes do Concello.
Asuntos principais: bases reguladoras dos orzamentos participativos municipais.
Data: luns 8 de maio, ás 20.00 h.
Lugar: salón plenario do Concello.
Acto: reunión con representantes do Concello.
Asuntos principais: bases reguladoras dos orzamentos participativos municipais.
Data: luns 8 de maio, ás 20.00 h.
Lugar: salón plenario do Concello.
FEDERAMES-CONCELLO
Acto: reunión con representantes do Concello.
Asuntos principais: alegacións ás bases reguladoras dos orzamentos participativos municipais.
Data: concretar data, ás 20.00 h.
Lugar: salón plenario do Concello.
Acto: reunión con representantes do Concello.
Asuntos principais: alegacións ás bases reguladoras dos orzamentos participativos municipais.
Data: concretar data, ás 20.00 h.
Lugar: salón plenario do Concello.
· Asunto: problemas do lixo (pasado e presente)
FEDERAMES-CONCELLO
Acto: reunión coa
concelleira de Economía e Facenda e mais coa interventora.
Asuntos principais: coñecer o estado de situación actual do problema e expoñer a nosa versión do problema no pasado.
Data: concretar data, ás 15.00 h.
Lugar: salón plenario do Concello.
Asuntos principais: coñecer o estado de situación actual do problema e expoñer a nosa versión do problema no pasado.
Data: concretar data, ás 15.00 h.
Lugar: salón plenario do Concello.
FEDERAMES-Montserrat Ríos
Acto: reunión con
esta avogada especialista en dereito administrativo.
Asuntos principais: saber se os cobros retroactivos que empezaban a chegar ás casas estaban ou non en prazo.
Data: concretar data, ás 16.30 h.
Lugar: bufete da avogada.
Asuntos principais: saber se os cobros retroactivos que empezaban a chegar ás casas estaban ou non en prazo.
Data: concretar data, ás 16.30 h.
Lugar: bufete da avogada.
· Asunto: limpeza de ríos e regatos
FEDERAMES-CONCELLO
Acto:
reunión co concelleiro de Medio Ambiente.
Asuntos principais: propoñer desde a Federación novas actuacións na limpeza dos ríos e regatos.
Data: xoves 11 de maio, ás 18.00 h.
Lugar: salón plenario do Concello.
Asuntos principais: propoñer desde a Federación novas actuacións na limpeza dos ríos e regatos.
Data: xoves 11 de maio, ás 18.00 h.
Lugar: salón plenario do Concello.
ANEXO 5. Relación de escritos dirixidos a diversas entidades
públicas e privadas
· Asunto: devolución do ‘catastrazo’
-Escrito dirixido ao Concello no que se lle solicita unha reunión
para tratar do compromiso adquirido polo alcalde de reinvestir no rural o
recadado en concepto de regularización catastral.
-Escrito dirixido ao Concello no que se declara a postura da
Federación con respecto ao exposto polos representantes municipais na reunión
do 12 de xaneiro sobre o reparto do ‘catastrazo’.
-Escrito dirixido ao Concello no que se declara o
acordo da Federación con respecto ao borrador de acordo que esta lle presentou
ao Concello para o reparto no rural da recadación relativa á regularización
catastral.
-Escrito dirixido ao Concello no que se indican os cambios
acordados pola Federación para asinar o acordo sobre o ‘catastrazo’.
· Asunto:
orzamento municipal para 2017
-Dous
escritos dirixidos ao Concello nos que se lle solicitan determinadas
aclaracións acerca dos investimentos no rural recollidos no borrador de
orzamentos municipais e se solicitan datos máis concretos sobre todos os
investimentos previstos..
-Escrito
dirixido ao Concello no que se reitera a petición anterior de datos concretos.
· Asunto: problemas na recollida do
lixo
-Escrito
dirixido ao Concello no que se lle solicita unha reunión para tratar sobre os
problemas derivados do mal servizo de recollida do lixo.
· Asunto: uso dos locais municipais
-Varias
solicitudes de uso de locais para xuntanzas e para a xornada cultural.
-Escrito
dirixido ao Concello no que lle solicitan datos de ocupación dos locais
municipais para escoller sitio no que reunirse a Federación.
· Asunto: inscrición da federación no
Rexistro de Asociacións da Xunta
-Solicitude
dirixida á Xunta de Galicia para que a federación sexa incluída no rexistro
autonómico de Asociacións.
-Varios
escritos dirixidos á Xunta de Galicia, primeiro para solicitar a inscrición no
Rexistro de Asociacións e logo para rectificar determinados artigos.
· Asunto: avespa asiática
-Dous
escritos dirixidos á Xunta e ao Concello nos que se lles comunicaba a
preocupación de FEDERAMES pola expansión da avespa asiática no noso municipio.
-Escritos
dirixidos á Consellería do Medio Rural e á Consellería de Medio Ambiente e
Ordenación do Territorio para convidar as correspondentes directoras xerais á
mesa redonda sobre a velutina.
-Escrito dirixido á dirección do BBVA no que se solicitaba axuda
económica para realizar a xornada sobre a velutina.
-Comunicado
de prensa sobre a xornada cultural sobre as velutinas.
· Asunto: colexio de Barouta
-Escrito
dirixido á Xunta e ao Concello para solicitar unha segunda liña de educación
primaria no colexio de Barouta.
· Asunto: primeiro contacto con FERUSA
-Borrador
de comunicado de prensa con FERUSA sobre os incendios.
ANEXO 6. Relación
de artigos publicados no blog da Federación
Asunto:
participación
Asunto: ‘catastrazo’
§ CATASTRAZO: o
Concello asume varias propostas das asociacións
§ O Concello ofrecerá asistencia xurídica e técnica
aos afectados polo ‘catastrazo’
§
O catastro e
o lixo: dúas formas de ‘sangrar’ a xente das aldeas
§
CATASTRAZO:
as asociacións piden unha nova reunión co Concello
§
O
‘catastrazo’ e o seu investimento na zona rural: problemas, problemas e máis
problemas
Asunto: velutinas
§ A avespa asiática ou a pasividade da administración
§ Loita contra a avespa asiática
§ Mesa redonda sobre o control e loita contra a avespa
asiática
§ Excelente acollida da mesa redonda sobre a velutina
Asunto: outros
§ Fibra óptica
§ A forza que nos une
§ O transporte público dentro do concello:
necesidade ou luxo?
§ Quero camiñar, onde están os camiños?
§ Facer país
§ A política da posverdade
§ Un modelo de concello aberto
§ A comunicación eficaz ou a importancia de facer
§ Problemas no colexio de Barouta
§
Ata que
chova
§
Vinte anos
de atrasos
Ningún comentario:
Publicar un comentario